Samfélagið frumkvæði

Samfélagið Frumkvæði hefur hlotist styrkur úr æskulýðssjóð!

Því hefur verið ákveðið   að leita samstarfs og samráðs við fleiri aðila til að gera sem mest úr þeim fjármunum sem fengust. Vænta má niðurstöðum úr því fljótlega eftir áramót

Öll vinna sem er unnin í Samfélaginu Frumkvæði  er unnin í sjálfboðastarfi og viljir þú hjálpa til eða forvitnast þá bendum við á samfelagid@frumkvaedi.is
Stefnan er þó að geta átt kost á að ráð inn starfskrafta

What is the essence of life? To serve others and to do good.
– Aristotle (384-322 BC)

Samfélaginu Frumkvæði hefur borist fjöldinn allur af hugmyndum og  allskyns erindum í sumar og er greinilegt að þörf er fyrir vettvang einsog  Samfélagið Frumkvæði.    Síðan mun taka nokkrum breytingum í vetur og verða þær breytingar kynntar fljótlega

Endilega hafið samband við okkur ef einhverjar spurningar vakna eða þú vilt koma hugmynd þinni á framfæri!

Austurbæjarbíó - Hús Unga Fólksins opnar formlega þriðjudaginn 9. júní. Húsið verður miðstöð  ungs  fólks sem vill virkja krafta sína í hvetjandi umhverfi.

Markmið miðstöðvarinnar er að bjóða ungu fólki upp á aðstöðu og aðstoð við framkvæmd hugmynda sinna. Virkir þátttakenndur hússins móta fjölbreytta dagskrá sumarsins og sköpunarkraftar þeirra verða nýttir við andlitslyftingu á Austurbæjarbíó. Auk þess verður boðið upp á hressingu og gefst tækifæri til að sýna sig og sjá aðra. Haft verður að leiðarljósi að skapa vettvang þar sem öllum er frjálst að koma á sínum eigin forsendum og taka þátt í að skapa sér skemmtilegt sumar.

Tveir sjóðir hafa verið stofnaðir og hægt er að sækja um styrki úr þeim til að koma verkefnum af stað.

Þeir aðilar sem standa að opnun Austurbæjarbíós eru Samfélagið Frumkvæði ( frumkvaedi.is ), Hitt Húsið, Rauði Krossinn í Reykjavík, Lýðheilsustöð og Samband Íslenskra Framhaldsskólanema.

Opnunarhátíð fer fram með pomp og prakt þriðjudaginn 9. júní og mun skrúðganga fara af stað kl. 18 frá klukkunni á Lækjartorgi. Leiðin liggur upp í Austurbæjarbíó þar sem tekið verður á móti gestum með grillpartýi, kynningu á starfi hússins og ýmsum tónlistaratriðum. Við hvetjum alla til að mæta og fagna opnun Austurbæjarbíós!

Hér má nálgast viðburðin á facebook

Hlökkum til að sjá þig og vini þína!

Samfélagið Frumkvæði hefur nýlega fengið þær gleðifregnir að Austurbær verði í sumar nýttur sem miðstöð fyrir ungt fólk. Munu nokkrir aðilar og samtök koma þarna saman, því augljóst er að endurbætur og endurreisn þessa sögufræga húss mun krefjast krafta margra. Og hvetjum við því alla sem vettlingi geta valdið að kíkja við og leggja hönd á plóg. En nú þegar eru kominn í verkefnið Samfélagið Frumkvæði, Reykjavíkurborg, Rauði Krossin, Menntamálaráðuneytið, Samband íslenskra framhaldsskólanema, Lýðheilsustöð en svo vantar bara þig !

Austurbæjarbíó mun verða vettvangur ungsfólk til að koma verkefnum í framkvæmd og taka þátt í lifandi samfélagi sem myndast mun í kringum húsnæðið og hlakkar okkur til að sjá sem flesta taka þátt. Hvort sem er til að framkvæma  hugmyndir, taka þátt í verkefnum einsog t.d leiksýningum, námskeiðum eða bara að drekka kaffi og hafa gaman með öðru fólki.  En vinnan við endurbætur er nú þegar hafinn og verður húsið formlega opnað næstkomandi Þriðjudag ( 9. Júní ) með pompi og prakt og verða þar tónleikar, grill og fleira skemmtilegt.
Á miðvikudag voru einnig veittir styrkir úr Forvarna- og framfarasjóði Reykjavíkurborgar. Samstarfs hópurinn sem stendur á bakvið opnun Austurbæjarbíós hlaut þar 5miljón króna styrk sem verður nýttur með beinum hætti til verkefna sem koma frá ungu fólki sem ekki eru með atvinnu. Stofnaður verður sjóður þar sem ungt atvinnulaust fólk getur sótt um fjármagn til að koma Hugmyndum sýnu í framkvæmd.
Frekari upplýsingar um hvernig sækja eigi um í sjóðinn verða veittar síðar!
Samfélagið Frumkvæði efnir til Samfélags panel sem verður vettvangur þar sem allir geta komið saman og rætt komandi sumar. Fundurinn verður haldinn með lauslegu viðmóti og er öllum frjálst að mæta!  Fundurinn verður: Í Austurbæ klukkan 16:00 næstkomandi Miðvikudag og mun standa yfir í sirka klukkustund.

http://www.facebook.com/inbox/?ref=mb#/event.php?eid=101148928680&ref=mf

Okkur hlakkar til að sjá þig í sumar!
Samfélagið Frumkvæði.

Kæri lesandi
Eftir opnun síðunnar frumkvæði.is síðastliðinn mánudag hafa ringt yfir okkur spurningum um verkefnið og er mikill áhugi fyrir þessu framtaki í íslensku þjóðfélagi.
Erum við nú á fullu að lista niður aðstöður, verkefni og er greinilega mikill áhugi til staðar. En það má á engan hátt túlka sem svo að þitt framtak sé óþarft. Erum við aðeins á upphafsdögum átaksins og bíður okkar gott sumar.
Einnig var það samþykkt í gær af borgarstjórn að hið sögufræga hús Austurbær yrði úthlutað undir starfsemi ungs fólks í sumar og fögnum við því mjög. Sjáum við fyrir okkur að þar gæti verið starfrækt öflug miðstöð lista og menninga ungmenna á íslandi.
Við hvetjum ykkur til að fylgjast vel með því það er mikið í gagni og er síðan að taka stöðugum breytingum, einnig að skoða verkefna skránna, munum við reyna að uppfæra hana eins títt og tilefni gefst til.

Samfélagið Frumkvæði.

Það er okkar von að þú komir til með að njóta þess að taka þátt í Samfélaginu Frumkvæði með einum eða öðrum hætti.

Samfélagið Frumkvæði er samstarfs vettvangur Sambands Íslenskra Framhaldsskólanema, ÍTR,  Hugmynda- og menntamálaráðuneytis.